Sámi servodatdieđalaš databása

Samisk samfunnsvitenskapelig database - Sami Social Science Database

Sámi servodatdieđalaš databása lea Sámi Instituhta (SI) dutkan- ja ovddidanprošeakta. Prošeavtta vuođđun lea SI álggahuvvon ovdaprošeakta mii čađahuvvui jagis 1998. Prošeavtta váldoulbmil lea láhčit diliid nu ahte sisdoalu, teknologalaš ja organisatoralaš čovdosat sáhttet ovddiduvvot ja doaibmat dainna lágiin ahte addet vejolašvuođa gávdnat iešguđetlágán lohkodieđuid/statistihka dálá sámi servodatdilálašvuođaid birra.

Jagiin 2003-2005 lea deaddu biddjon oasseprošektii man namma lea Sámiide guoskevaš statistihkka Norggas – sisdoallu, organiseren ja doaibma. Dán prošeavtta duogábealde lea Sámediggi Norggas, ja dat čađahuvvo ovttasbargoprošeaktan gaskkal SI ja Statistisk Sentralbyrĺa.

Neahttabáiki www.sami-statistics.info ásaheapmi ja doaibma lea oassin databáseprošeavttas. Neahtta-báikkis galgá muhtun muddui gávdnat dieđuid prošeavtta duogáža ja ovdáneami birra, muhto ovddemusat galgá dat ovddiduvvot portalan gos gávdná oppalaš dieđuid sámiide guoskevaš lohkodieđuid ja statistihka birra iešguđetge hámiin. Lassin galgá portala čujuhit eará eamiálbmotstatistihkii ja dasto čállosiidda gos váldojuvvojit ovdan iešguđetge bealit dasa mii guoská sámi statistihkkii/eamiálbmotstatistihkkii.

FUOM! Leat bargame neahttabáikki hábmemiin!